Paksa para sa Analitikal na Papel

Kung Ano-Anong Anik-Anik: Kolektibong Kultura sa Industriya ng Musika at Pagkain sa Pamamagitan ng Happy Meals at mga Photo Card

Kung Ano-Anong Anik-Anik: Kolektibong Kultura sa Industriya ng Musika at Pagkain sa Pamamagitan ng Happy Meals at mga Photo Card

by Marian Rachel Tilos -
Number of replies: 4

Paksa: Kung Ano-Anong Anik-Anik: Kolektibong Kultura sa Industriya ng Musika at Pagkain sa Pamamagitan ng Happy Meals at mga Photo Card

 

Rasyonal: Sa kasalukuyan, ang kulturang popular ay makikita sa pagsasanib ng industriya ng musika at pagkain sa anyo ng Happy Meals at photo cards. Ang mga kolaborasyon sa pagitan ng mga fast food chains at mga sikat na musikero, tulad na nga ng K-pop group na BTS at ng lokal na grupong BINI, ay nagiging bahagi ng tinatawag na collective culture, kung saan ang mga karanasan ng mga mamimili ay hindi lamang nauukol sa pagkain o musika, kundi pati na rin sa shared identity, fandom, at consumer rituals. Sa pamamagitan nito, naipapakita kung paano ginagamit ang kultura bilang kasangkapan ng komersiyalisasyon. Mahalaga itong pag-aralan upang maunawaan ang epekto ng kulturang popular sa pagkakakilanlan, gawi, at ugnayang panlipunan ng mga mamimili.

 

Mga layunin: 

  • Matukoy kung paano nagsasanib ang industriya ng musika at pagkain sa pamamagitan ng mga produktong gaya ng Happy Meals at photo cards.
  • Masuri ang epekto ng ganitong kolaborasyon sa pagkonsumo at gawi ng mga tagahanga o mamimili.
  • Maipaliwanag kung paano nagiging bahagi ng kolektibong kultura ang mga simpleng produkto bilang simbolo ng fandom at pagkakakilanlan.
  • Matalakay ang papel ng kulturang popular sa komersiyalisasyon at pagbuo ng shared experiences sa lipunan.
  • Makapagbigay ng kritikal na pagtingin sa mga implikasyon ng ganitong phenomena sa kulturang Pilipino at global na kabataan.

 

Metodolohiya: 

Gagamit ang pag-aaral ng kualitatibong disenyo na nakaangkla sa kulturang popular bilang lente ng pagsusuri. Isasagawa ang textual at visual analysis sa mga promotional materials, advertisements, at social media content kaugnay ng Happy Meals at photo cards.  Ang pagsusuri ay gagabayan ng mga konsepto ng commodification sa kulturang popular upang suriin ang ugnayan ng konsumo, identidad, at kolektibong kultura. Maari ring mag sagawa ng participatory obeservation at aktibong makilahok sa pagbili ng mismong produkto upang maranasan ang 

In reply to Marian Rachel Tilos

Re: Kung Ano-Anong Anik-Anik: Kolektibong Kultura sa Industriya ng Musika at Pagkain sa Pamamagitan ng Happy Meals at mga Photo Card

by Marian Rachel Tilos -
** (katuloy ng metodolohiya)

Maari ring magsagawa ng participatory obeservation at aktibong makilahok sa pagbili ng mismong produkto upang maranasan ang pagkonsumo - mula sa pagbili ng mga Happy Meal at pakikisalamuha sa mga fan o collector ng mga photocards at iba pang produktong galing sa isang fanbase mula sa aking mga kaibigan. Ang buong pagsusuri ay gagabayan ng mga konsepto ng consumer culture sa larangan ng kulturang popular, at ng teorya ng encoding/decoding ni Stuart Hall, upang masipat kung paano ipinapasa, tinatanggap, o binabago ng mga tagatanggap ang mga mensahe at kahulugang kalakip ng produkto.
In reply to Marian Rachel Tilos

Re: Kung Ano-Anong Anik-Anik: Kolektibong Kultura sa Industriya ng Musika at Pagkain sa Pamamagitan ng Happy Meals at mga Photo Card

by Odessa Joson -
DESAPROBADO.

Happy meal items ang pokus ng papel mo. Bagaman nabanggit mo ang BINI (musika) hindi naman susuriin ang musika o imahen ng BINI). Kailangang komparatibo ang papel.
In reply to Odessa Joson

Re: Kung Ano-Anong Anik-Anik: Kolektibong Kultura sa Industriya ng Musika at Pagkain sa Pamamagitan ng Happy Meals at mga Photo Card

by Marian Rachel Tilos -
Magandang gabi, Ma'am Ow

Maaari po bang lawakan ang pagkumpara ng happy meal sa mga fandom merch maliban po sa photocards? Tulad ng mga light stick o t-shirt?

Naisip ko rin po kung maaari din po magkaroon ng pagkumpara sa collective culture ng mga happy meals at sa pag attend ng mga komikon/komiket - mas partikular sa pag kolekta ng mga stickers, zines, at iba pang anik-anik sa mga komikon.

Maraming salamat po!
In reply to Marian Rachel Tilos

Re: Kung Ano-Anong Anik-Anik: Kolektibong Kultura sa Industriya ng Musika at Pagkain sa Pamamagitan ng Happy Meals at mga Photo Card

by Odessa Joson -
APROBADO ang "pagkumpara ng happy meal sa mga fandom merch" ngunit hindi dapat kinokolekta ang Happy Meal toy bilang bahagi ng fandom merch. Halimbawa, Snoopy Collectibles or My Little Pony toys sa Happy Meal at merch ng SB19. Parehong pagkokolekta ang gawain ngunit magkaiba pero hindi nakatali sa iisang fandom.