Gawaing Asingkrono Okt 01, 2024

LAGGUI

LAGGUI

by Kristiana Cyra Laggui -
Number of replies: 1

  1. Ano-ano ang mga katangian ng isang suliranin sa pananaliksik? Paano sumulat at bumuo ng mabisang suliranin sa pananaliksik?

Ayon kay Steve Campitelli, ang mga katangian ng isang suliranin sa pananaliksik ay una, dapat may kaugnayan ito sa paksa (relevant), kayang pangasiwaan at maisakatuparan sa loob ng saklaw at limitasyon ng pananaliksik (manageable), tiyak at nasusukat ang datos (specific), malinaw at agad na makukuha ng mga mambabasa ang layunin o tinatahak ng pananaliksik (clear and simple), nakapupukaw ng interes ng mambabasa at mag-aambag ng mahalaga at bagong kaalaman kung masasagot ang tanong o suliranin (interesting), isa talagang tanong na hinugot mula sa paksang nais talakayin at hindi isang direktang pahayag (it should be a question and not a statement), at higit sa lahat ay nasasagot o kayang sagutin sa pamamagitan ng pananaliksik (answerable). 

Sa pagbuo naman ng isang mabisang suliranin sa pananaliksik, dapat maghanap o tukuyin muna ang larangan ng interes. Sunod ay kumalap at magbasa ng mga nailathala nang datos at literatura tungkol sa paksa o larangang ito. Mapapaliit ang saklaw ng paksa sa pagtatanong ng “bakit” at “paano” tungkol sa mga nakalap na datos. At panghuli ay maaari na itong maging tiyak sa pamamagitan ng pagpunto o paghahanap ng iba’t ibang salik o perspektib na maaaring umikot sa paksang napili. Isa pang payo ni Campitelli ay gawing open-ended ang tanong upang hindi lang ito simpleng masasagot ng numero, at “oo” o “hindi”. Bukod dito, kailangan ding isipin o bigyang konsiderasyon ang ideya ng nais na saliksikin, ang pagkalap ng higit pang datos bukod sa mga nailathala na, at kung mahalaga at may maiaambag ba ang pananaliksik sa larangan at sa akademya.

  1. Batay sa natutunan mo sa #1 at #2, magbalangkas ka ng dalawang paksa na may malinaw na paglalahad ng suliranin. Talakayin mo sa paksa ang research design na angkop sa napiling paksa. Kailangan magkaiba ang research design ng dalawang paksa. Talakayin sa loob ng 20 pangungusap (max) bawat paksang napili.

  1. Paksa: Long-running Filipino TV Sitcom (GMA), Pepito Manaloto (2010-Present)

Suliranin: Bilang isang serye na nagpapatuloy hanggang sa kasalukuyan sa loob ng 14 na taon, ano-ano ang naging ebolusyon ng seryeng ito sa aspetong teknikal at biswal, at pagkukwento sa pamamagitan ng mga tauhan?

Research design: Kwalitatibong disenyo ang nararapat ng gamitin sa pagtatalakay ng paksang ito dahil kailangan nitong maging deskriptiv sa pag-aanalisa ng mga biswal na aspeto ng palabas at pagtatasa sa mga specific tropes na ginamit sa pagkukuwento. Maaari ring mag-interbiyu ng mga manonood upang makuha ang kanilang tingin o naobserbahang mga pagbabago sa serye.

 

In reply to Kristiana Cyra Laggui

Re: LAGGUI

by Kristiana Cyra Laggui -
(Pasensya po, hindi ko napansin agad na nabitin pala ang pag-copypaste ko mula sa docs)

2. Paksa: Epekto ng pagdaraos ng Museums and Galleries Month sa bilang ng mga bumibisita sa mga institusyong kultural sa Manila
Suliranin: Ang buwan ng Oktubre ay kinikilalang Museums and Galleries Month at iba’t ibang institusyong kultural ay naghahanda ng mga pakulo, aktibidad, o exhibits upang anyayahan ang mga tao na bumisita at ma-promote ang kahalagahan ng mga museo at galleries sa pagtataguyod ng cultural heritage. Sa isang buong taon o nagdaang buwan bago mag-Museums and Galleries Month, may pagkakaiba kaya ang bilang ng mga museum visits kumpara sa buwan na idinaraos ito? Ano-anong klase ng mga aktibidad ang idinaraos ng mga institusyong kultural at nakakatulong ba ito sa promosyon at pag-anyaya ng mga bisita?
Research Design: Maaaring gamitan ng mixed methods ang paksang ito dahil para sa kwantitatibong aspeto ay nais nitong ikumpara kung may pagkakaiba sa bilang ng average museum visits sa mga ordinaryong buwan at tuwing Museums and Galleries Month sa mga institusyong kultural sa Manila. Sa kwalitatibong aspeto naman ay maiimbestigahan nito sa pamamagitan ng panayam o sarbey sa mga ordinaryong mamamayan at sa institusyong kultural kung may epekto nga ba ang pag-anunsyo sa Museums and Galleries Month—masasabing kinikilala ba ito, at epektibo nga ba ang pag promote ng mga aktibidad upang anyayahan ang publiko.