2. Paano tumutugon ang apat na yugto sa konsepto ng pag-unlad ng bayan?
Naipapahayag ang Heritage Awareness sa Vigan sa pamamagitan ng Heritage Mapping kung saan kabilang ang paggawa ng mga heritage conservation acts at ordinance katulad na lamang ng “Vigan Master Plan” at “Vigan Conservation Guidelines Municipal Ordinance No. 4”. Bukod pa rito ang mga programang pang-edukasyon, kultural na kaganapan, at maging sa paglilibot sa mga makasaysayang lugar, kung saan ang mga turista at maging ang mismong mga residente ng bayang ito ay mas nagkakaroon ng kaalaman patungkol sa kamanahang kultural ng Vigan.
Naipapahayag naman ang Heritage Appreciation sa Vigan sa pamamagitan ng mga programang nagpapalalim ng pag-unawa at pagpapahalaga sa mga lokal na tradisyon at sining. Sa pamamagitan ng mga exhibits katulad ng Padre Burgos House, Crisologo Museum, at National Museum sa Magsingal, pati na rin sa pagdiriwang ng mga pista o festival katulad ng Binatbatan Festival of the Arts, at Vigan City Longganisa Festival na siyang nanghihikayat din na mas makilala ang kanilang kultural na pamana, kung saan ang mga tao ay hinihimok na makilahok sa mga programang pang-edukasyon at kultural, kung saan mas nagiging aktibo ang mga mamamayan sa kanilang lokal na kultura.
Samantalang naipapahayag naman ang Heritage Protection sa pamamagitan ng mga batas at patakaran na nagtataguyod ng konserbasyon ng mga pamana sa Vigan. Katulad na lamang ng mga nabanggit kaninang “Vigan Master Plan” at ang “Vigan Conservation Guidelines Municipal Ordinance No. 4”.
At ang pinakahuli, ang Heritage Utilization na naipapahayag sa pamamagitan ng paggamit ng mga makasaysayang istruktura at tradisyonal na sining na siyang tumutugon sa kontemporaryong pangangailangan at nagbibigay halaga sa mga residente at turista. Ang mga lokal na produkto at serbisyo, tulad ng handicraft at mga natatanging pagkain sa Vigan tulad ng Vigan Longganisa, Bagnet, at Empanada ay nag-aambag sa ekonomiya at nagbibigay ng kabuhayan.
Sa kabuuan, ang apat na yugto ay nagtutulungan upang mas mapanatili ang yamang kultural ng Vigan. Ang prosesong ito ay hindi lamang para sa kasalukuyan, kundi para sa mga susunod na henerasyo at sa pamamagitan ng ganitong balangkas, ang Vigan ay patuloy na magiging isang halimbawa ng matagumpay na pagsasagawa ng heritage conservation.